ကိုယ့်ဘ၀ကို တစ်နေ့တစ်ခြားတိုးတက်စေနည်း
Posted by pannu .
လူဆိုတာ ကိုယ့်ဘ၀ကို တစ်နေ့တစ်ခြားတိုးတက်စေချင်ကြတာချည်းပါပဲ။ ဒါပေမယ့် လုပ်နည်းလုပ်ဟန်တွေချွတ်ချော်နေတဲ့အတွက် တိုးတက်မှုရသင့်သလောက် မရဖြစ်နေကြပါတယ်။
လုပ်နည်းလုပ်ဟန်ဆိုတာကတစ်ခြားမဟုတ်ပါဘူး။ ဘ၀လမ်းတစ်လျှောက် ဖြတ်သန်းတဲ့နေရာမှာ လိုက်နာကျင့်သုံးအပ်တာတွေကို ခင်ဗျားတို့ လိုက်နာကျင့်သုံးပြီးပြီးလားဆိုတာ ဆန်းစစ်ကြည့်ရအောင် ဖော်ပြပေးပါတယ်။
(၁) လူတိုင်းနဲ့ အဆင်ပြေပြေ ကျေကျေလည်လည်ပြောဆို ဆက်ဆံတတ်မှု။
(၂) ဒေါသကို အချိန်မီ ထိန်းချုပ်တတ်မှု
(၃) အားငယ်စိတ်ကို ရုတ်သိမ်းပြီး အမြဲစိတ်အားထက်သန်အောင် နေတတ်မှု
(၄) သစ္စာတရားကို လေးစားစွာ စောင့်ထိန်းမှု
(၅) မလိုလားအပ်တဲ့ ရန်သူများကြားမှာ လိမ္မာပါးနပ်စွာ နေတတ်ပြောတတ်မှု
(၆) မိမိရဲ့ ဘ၀ပေးလုပ်ငန်းတာဝန်တွေကို ထိထိရောက်ရောက်ပျော်ပျော်ရွှင်ရွှင် လုပ်ကိုင် ဆောင်ရွက်နိုင်မှု
(၇) မိတ်ဆွေစစ် မိတ်ဆွေမှန်များ ရှာဖွေနိုင်မှု
(၈) မိမိကိုယ်ကို တန်ဖိုးထားပြီး ထိန်းသိမ်းနေထိုင်မှု
(၉) ကိုယ်ကျိုးစီးပွားရှာ အများအကျိုးအတွက်လည်း သယ်ပိုးဆိုသကဲ့သို့ သူ့ဘက်ကိုယ့်ဘက် ကြည့်တတ်မှု။
သည်အချက် ကိုးချက်ကို လူတော်တော်များများသိထားပါလိမ့်မယ်။ ဒါပေမယ့် ကိုယ်တိုင်ကျင့်သုံးမှု ရှိရဲ့လား ဆန်းစစ်ကြည့်တဲ့အခါ လိုက်နာကျင့်သုံးခြင်း မရှိတာကို တွေ့ရပါလိမ့်မယ်။ လိုက်နာကျင့်သုံးသူတွေကတော့ လက်တွေ့အောင်မြင်သူတွေပဲဖြစ်ပါတယ်။ လူတွေမှာအခြေခံတရားဆိုတာ လိုအပ်ပါတယ်။ မရှိလို့မဖြစ်ပါဘူး။ အခြေခံတရားမရှိသူဘဲ လူ့ဘ၀လူ့လမ်းခရီးကို ဘယ်နည်းနဲ့ လျှောက်မလဲ။ အသိတရားမရှိတဲ့ လောကကြီးထဲ တိုးဝင်အောင်မြင်ချင်တဲ့ လူဟာ အိမ်မက်ထဲကရေကြည်တစ်ပေါက် ကို သောက်သုံးလိုက်ရတာမျိုးပဲဖြစ်နေပါလိမ့်မယ်။ အိမ်မက်ထဲက ရေကြည်တစ်ပေါက်ကိုအတင်းသောက်လိုက်ရလို့ လက်တွေ့ဘ၀မှာ ပြီးပြည့်စုံခြင်းကို မရောက်နိုင်ပါဘူး။ တစ်ချို့ကတော့ လူတွေဟာ တစ်ခုခုတတ်လာ သိတာ ပြည့်စုံလာ ကျော်ကြားလာရင် မာနအမြီးလေး တရမ်းရမ်းပြုမူလာတတ်ပါတယ်။ ဒီလိုလူမျိုးတွေဟာ မာနအမြီးလေးလည်းပြုတ်ရော အနုတ်စုတ် ဂုတ်စုတ်ဘ၀ကို ရောက်သွားပါလေရော။ ဒါဘာဖြစ်လဲဆိုတော့ ဘ၀မှာဘယ်လိုနေရင် သာယာပျော်ရွှင်အောင်မြင်မလဲဆိုတာကို မစဉ်းစားကြလို့ပဲဖြစ်ပါတယ်။ ဘ၀ခရီးမှာ အောင်မြင်ချင်တဲ့ ဆန္ဒရှိသူတစ်ယောက်အဖို့ ဘာတွေကို သိပြီး ဘယ်လောက်အဆင့်ထိ ပြင်ဆင်ထားပြီးပြီဆိုတာ မိမိကိုယ်ကို သိထားဖို့ လိုအပ်နေပါပြီ။
ရွှေမင်းသမီးလေး
No comments:
Post a Comment